უძველესი ქართული წარწერები

პროექტის სახელი: უძველესი ქართული წარწერები

პროექტის მოკლე აღწერა: ტურისტული მარშრუტის შედგენა და უძველესი ქართული წარწეერების გაცნობა –გაშიფვრა.

პროექტის სრული აღწერა : მოსწავლეები მოიძიებენ იმ ტურისტულ ობიექტებს სადაც შემორჩენილია უძველესი ქართული წარწერები, დაგეგმავენ იქ გამგზავრებას და მოახდენენ ადგილზე მათ აღწერას , გამოიკვლევენ მათ ისტორიულ–გეოგრაფიულ მდებარეობას , ასახავენ ფოტოებზე, მოახდენენ ქართული წარწერის გაშიფვრას და გამოიკვლევენ მის მნიშვნელობას. სკოლაში მოაწყობენ პრეზენტაციას ,ფოტო გამოფენას და კონფერენციას, შექმნიან ბლოგს.

მონაწილეთა ასაკი: X-XII კლასის მოსწავლეები

ვადები/ხანგრძლივობა: 6 თვე

პროექტის შესაძლო აქტივობები კლასში: დამხმარე ლიტერატურის მოძიება, დისკუსიის გამართვა, მასალის მოძიება ინტერნეტის მეშვეობით, ძველი ქართული ანბანის მოძიება, მოძიებული მასალის ანალიზი,საპროექტო ჯგუფების შექმნა , ხარჯებისა და დროის განსაზღვრა.

მოსალოდნელი შედეგები/პროდუქტები რაც შეიძლება შეიქმნას: ბავშვები შეძლებენ გააკეთონ ალბომი, ბუკლეტი, ვებ-გვერდი, ბლოგი, ელექტრონული ჟურნალი, ჩანახატი, ესეები. მათ გამოუმუშავდებათ კვლევა-ძიების, დამატებით ლიტერატურაზე მუშაობის კომპიუტერულად დამუშავების, ორიენტაციის, მიმართულების განსაზღვრის, უნარ-ჩვევა. ისწავლიან ჯგუფურ მუშაობას, ურთიერთთანამშრომლობას და გახდებიან უფრო კომუნიკაბელურები. ისწავლიან ექსკურსიის ორგანიზებას, აღჭურვილობის და საინფორმაციო ტექნოლოგიების გამოყენებას. გაეცნობიან საკუთარი ქვეყნის დამწერლობას და კულტურულ მემკვიდრეობას .

სარგებელი სხვებისთვის: გზამკვლევის საშუალებით მოსწავლეებს მიაწვდიან საქართველოს ამა თუ იმ კუთხეში არსებულ იმ ისტორიული ძეგლების მოკლე აღწერას სადაც შემორჩენილია უძველესი ქართული წარწერები, მოგზაურობის მარშრუტს, . ყოველივე ეს გამოიწვევს საკუთარი მხარის უკეთ გაცნობას. გამოუმუშავდებათ საკუთარი ქვეყნის და ენის სიყვარული და ისწავლიან მის გაფრთხილებას.

სამუშაო ენა : ქართული

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი:
ისტორია - გაიღრმავებენ ცოდნას საკუთარი ქვეყნის შესახებ, ისწავლიან ისტორიული ობიექტების აღწერას, გამოუმუშავდებათ კვლევა-ძიება, შედგენილი ცხრილების, რუკების, დიაგრამების სახით აწარმოებენ წარმოდგენილი ინფორმაციის განმარტებას
გეოგრაფია- მათი ცოდნა მიუახლოვდება ეროვნული სასწავლო გეგმით გათვალისწინებულ სტანდარტებს. გაეცნობიან საკუთარი მხარის ბუნებას, ისწავლიან გეოგრაფიული ობიექტების დასახელებას და მოგზაურობის მიზეზის და შედეგის დადგენას.
ლიტერატურა-შემოქმედი ბავშვები წარმოაჩენენ თავის შესაძლებლობებს: ლექსების, ესეების, ჩანახატების შექმნაში, მოიძიებენ თქმულებებს და ლეგენდებს.
მონაწილეები სხვა სკოლებიდან:
პროექტის ფასილიტატორის სახელი: ეკა გორგაძე  
პროექტის ფასილიტატორის ელ–ფოსტა: ek.gorgadze@gmail.com

პროექტის ვებ–გვერდი / ბლოგი:ekagorgadze. blogspot